ຊື່ຫຼັກສູດ: ວິຊາຊີບຊັ້ນສູງ ລະດັບ 5

ການຕິດຕັ້ງໄຟຟ້າ

ລາຍລະອຽດຫຼັກສູດ

ຫຼັກສູດອາຊີວະສຶກສາ ວິຊາຊີບຊັ້ນສູງ ລະດັບ 5 (12+3) ສະບັບນີ້ໄດ້ຮັບການພັດທະນາຂື້ນ ໂດຍສອດຄ່ອງກັບຂົງເຂດວິຊາຊີບ ຕິດຕັ້ງ, ສ້ອມແປງ, ບຳລຸງຮັກສາ ສາຂາອາຊີບ: ຊ່າງຕິດຕັ້ງໄຟຟ້າ ໃຫ້ສອດຄາອງກັບກົດໝາຍອາຊີວະສຶກສາ ສະບັບເລກທີ 42/ສພຊ, ລົງວັນທີ 23 ທັນວາ 2013. ເຂົ້າຮ່ວມພັດທະນາ ແລະ ປັບປຸງຫຼັກສູດສະບັບນີ້ປະກອບມີ ນັກວິຊາການ, ຄູອາຈານ ແລະ ຜູ້ມີປະສົບການທາງດ້ານການພັດທະນາຫຼັກສູດ ຈາກພາຍໃນພາກສ່ວນເຂົ້າຮ່ວມ. ຫຼັກສູດ ແມ່ນມີລັກສະນະຈັດ ການຮຽນ-ການສອນ ເປັນໂມດຸນ ໂດຍອີງໃສ່ມາດຕະຖານຫຼັກສູດອາຊີວະສຶກສາແຫ່ງຊາດ ສະບັບເລກທີ 7247/ສສກ.ອສ.15, ລົງວັນທີ 30 ພະຈິກ 2015. ຜູ້ນຽນສາມາດຮຽນຈົບແຕ່ລະໂມດຸນ ພາຍໃນຂົງເຂດອາຊີບນີ້ໃຊ້ເວລາຮຽນແມ່ນ 3 ປີ ແລະ ສາມາດຮຽນຕໍ່ໃນລະດັບສູງຂື້ນໄປໄດ້. ພ້ອມດຽວກັນນັ້ນ, ນັກສຶກສາຍັງສາມາດຍ້າຍສະຖານທີ່ຮຽນໄດ້ຕາມສະຖານອາຊີວະສຶກສາທີ່ມີຫຼັກສູດ ການຮຽນ-ການສອນໃນສາຂາອາຊີບຊ່າງຕິດຕັ້ງໄຟຟ້າ.

ຈຸດປະສົງຂອງຫຼັກສູດ

ມີຄວາມຮູ້, ທັກສະອາຊີ ແລະ ປະສົບການສອດຄ່ອງກັບມາດຕະຖານສາຂາວິຊາຊີບ ເພື່ອນຳໄປປະຕິບັດວຽກງານຢ່າງມີປະສິດທິພາບ, ແທດເຫມາພກັບວຽກງານທີ່ມີຄວາມຕ້ອງການຂອງຕະຫຼາດແຮງງານ. ປະຕິບັດບົດບາດ-ຫນ້າທີ່ຕາມມອບໝາຍໃນສາຍງານອາຊີບ. ປະຕິບັດຕາມຫຼັກການ, ວິທີການ ແລພ ຂັນຕອນດ້ານວິຊາສະເພາະ. ມີຫົວຄິດປະດິດສ້າງ, ແກ້ໄຂບັນຫາ ແລະ ມີຄວາມສາມາດປະຕິບັດຫນ້າທີ່ວຽກງານດ້ານວິຊາສະເພາະ. ມີຄຸນນະທຳ, ຈະລິຍະທຳ, ມີຄວາມຮັບຜິດຊອບ ແລະ ຈັນຍາບັນໃນອາຊີບ.

ຄວາມສາມາດ

ປະຕິບັດຫລັກການພື້ນຖານ ແລະ ວິໄນຊ່າງ ປະຕິບັດມາດຖານຄວາມປອດໄພ ແລະ ອາຊີວະອະນາໄມ ຕີລາຄາ, ປະເມີນຕົ້ນທຶນໃນການຕິດຕັ້ງ ແລະ ສ້ອມແປງ ຕີຄວາມໝາຍແບບທາງໄຟຟ້າ-ແຜນ ຕິດຕັ້ງ-ສ້ອມແປງອຸປະກອນເອເລັກໂຕນິກ ເດີນສາຍໄຟຟ້າ ຕິດຕັ້ງອຸປະກອນໄຟຟ້າ (ໂຫລດ) ຕິດຕັ້ງຕູ້ຈ່າຍໄຟ (ອຸປະກອນປ້ອງກັນ) ຕິດຕັ້ງລະບົບໄຟສຳຮອງ ຕິດຕັ້ງລະບົບໄຟແຮງຕໍ່ານອກອາຄານ ຕິດຕັ້ງລະບົບສື່ສານ ຕິດຕັ້ງລະບົບ Building Automation ກວດສອບ - ບໍາລຸງຮັກສາ(ເຄື່ອງມືອຸປະກອນ) ສ້ອມແປງເຄື່ຶອງມື-ອຸປະກອນ ແກ້ໄຂບັນຫາ ແລະ ຂໍ້ຂັດແຍ່ງໃນລະບົບ ຈັດຕັ້ງ ແລະ ແບ່ງງານ ຈໍາແນກຄຸນສົມບັດຂອງວັດສະດຸ ນຳໃຊ້ເຄື່ອງມື, ເຄື່ອງຈັກ ແລະ ເຄື່່ອງບໍາລຸງຮັກສາ ກະກຽມເຄື່ອງມື, ວັດສະດຸ ແລະ ສະຖານທີ່ສຳຫລັບເຮັດວຽກຢ່າງເປັນລະບົບ ນໍາໃຊ້ວິທີ, ຂັ້ນຕອນໃນການຕິດຕັ້ງ ແລະສ້ອມແປງໄຟຟ້າ

ລະດັບຫຼັກສູດ

ຜູ້ທີ່ຮຽນຈົບຫຼັກສູດນີ້ ຈະໄດ້ຮັບວຸດທິ ປະກາສະນີຍະບັດວິຊາຊີບ ລະດັບ 5 ຕາມກົດໝາຍອາຊີວະສຶກສາ

ເນື້ອໃນຂອງຫຼັກສູດ