ຊື່ຫຼັກສູດ: ວິຊາຊີບຊັ້ນສູງ ລະດັບ 5

ການຕິດຕັ້ງ , ສ້ອມແປງເຄື່ອງເຮັດຄວາມເຢັນ - ເຄື່ອງປັບອາກາດ

ລາຍລະອຽດຫຼັກສູດ

ຫຼັກສູດດັ່ງກ່າວ ຈະຕັ້ງການຮຽນ-ການສອນ ແບບເຕັມເວລາດັ່ງນີ້: ນັກສຶກສາທຸກຄົນຕ້ອງໄດ້ຮຽນ ໃຫ້ຄົບຕາມຈຳນວນໂມດຸນ ທີ່ໄດ້ກຳນົດໄວ້ໃນຫຼັກສູດ ກຳນົດເວລາຮຽນ ຢ່າງໜ້ອຍ 3 ປີ ຫຼື 6 ພາກຮຽນ ( 120 ອາທິດ ) ໃນສົກຮຽນໜື່ງແບ່ງອອກເປັນ 2 ພາກຮຽນ ມີ 40 ອາທິດ ໜຶ່ງພາກຮຽນມີ 20 ອາທິດ (ຮຽນຕົວຈິງ 16 ອາທິດ, ທວນຄືນ ແລະ ສອບເສັງ 2 ອາທິດ, ແຮ່ໄວ້ 1 ອາທິດ ແລະ ພັກພາກຮຽນ 1 ອາທິດ) ຕ້ອງຜ່ານການທົດສອບ ຫຼື ຜ່ານການສອບເສັງຄັດເລຶອກຄື:ການຂຽນ, ສຳພາດ ແລະ ປະຕິບັດຕົວຈິງໂດຍມີຄະນະກຳມະການທີ່ໄດ້ຮັບການແຕ່ງຕັ້ງຖຶກຕ້ອງຕາມຫຼັກການ ມາຮຽນຕາມແຜນແບ່ງປັນທີ່ທາງກະຊວງ ສຶກສາທິການ ແລະ ກິລາ ກຳນົດໃຫ້ ມີອາຍຸ 17 ປີຂື້ນໄປ ມີຄຸນສົມບັດດີ ສຳເລັດການສຶກສາມັດທະຍົມຕອນປາຍ ຫຼື ທຽບເທົ່າ ສຳລັບຜູ້ສຳເລັດການສຶກສາຊັ້ນກາງໃນອາຊີບທີ່ກ່ຽວຂ້ອງຈະມີການທຽບໂອນໂມດຸນລະຫວ່າງກັນ ຕ້ອງເປັນຜູ້ທີ່ມີສຸຂະພາບແຂງແຮງດີ ແລະ ເໝາະສົມກັບອາຊີບທີ່ກ່ຽວຂ້ອງ ບໍ່ເປັນພະຍາດຕິດແປດ ບໍ່ພົວພັນສີ່ງເສບຕິດ

ຈຸດປະສົງຂອງຫຼັກສູດ

ສ້າງໃຫ້ຜູ້ຮຽນມີຄວາມຮູ້ , ທັກສະອາຊີບ ແລະ ຄຸນສົມບັດໃຫ້ສອດຄ່ອງ , ແທດເໝາະຄວາມຕ້ອງການຂອງຕະຫຼາດແຮງງານ.

ປະຕິບັດໜ້າທີ່ຕາມການມອບໝາຍ

ປະຕິບັດໃຫ້ຖຶກຕ້ອງຕາມຫຼັກການ , ວີທີການ ແລະ ຂັ້ນຕອນ ດ້ານວິຊາສະເພາະ

ສ້າງໃຫ້ມີຫົວຄິດປະດິດສ້າງ, ແກ້ໄຂບັນຫາ ແລະ ມີຄວາມສາມາດປະຕິບັດໜ້າທີ່ວຽກດ້ານວິຊາສະເພາະຕາມທີ່ຮຽນຈົບ

ສ້າງໃຫ້ຜູ້ຮຽນມີມະນຸດສຳພັນທີ່ດີ, ມີຄຸນນະທຳ, ຈະລິຍະທຳ, ມີຄວາມຮັບຜິດຊອບ ແລະ ຈັນຍາບັນໃນອາຊີບ

ຄວາມສາມາດ

ປະຕິບັດຫຼັກການພື້ນຖານ ແລະ ຈັນຍາບັນຊ່າງ

ປະຕິບັດມາດຕະຖານຄວາມປອດໄພ ແລະ ສຸຂະພາລານາໄມ

ຄິດໄລ່ປະເມີນລາຄາໃນການຕິດຕັ້ງ ແລະ ສ້ອມແປງເຄື່ອງເຢັນ ແລະ ເຄື່ອງປັບອາກາດ

ແກ້ໄຂບັນຫາ ແລະ ຂໍ້ຂັດຂ້ອງໃນລະບົບ

ຈັດຕັ້ງ ແລະ ແບ່ງວຽກງານ

ຈຳແນກຄຸນສົມບັດຂອງວັດສະດຸ

ນຳໃຊ້ເຄື່ອງມື, ວັດສະດຸ ແລະ ສະຖານທີ່ສຳລັບການເຮັດວຽກຢ່າງເປັນລະບົບ

ກະກຽມເຄື່ອງມື, ວັດສະດຸ ແລະ ສະຖານທີ່ສຳລັບການເຮັດວຽກຢ່າງເປັນລະບົບ

ນຳໃຊ້ວິທີ, ຂັ້ນຕອນໃນການຕິດຕັ້ງ ແລະ ສ້ອມແປງເຄື່ອງເຢັນ ແລະ ປັບອາກາດ

ລະດັບຫຼັກສູດ

ຈົບຕາມຫຼັກສູດນີ້ ຈະໄດ້ຮັບວຸດທິ ປະກາສະນີຍະບັດວິຊາຊີບຊັ້ນສູງ ລະດັບ 5 ຕາມກົດໝາຍອະຊີວະສຶກສາ

ເນື້ອໃນຂອງຫຼັກສູດ